Genesis 26:1 αϥϣωπι δε `νϫε ου`ϩκο ϩιϫεν πικαϩι χωρις πιϣορπ `ν`ϩκο ὲταϥϣωπι ϧεν `πςηου `ναβρααμ αϥϣεναϥ δε `νϫε ιςαακ ϩα αβιμελεχ `πουρο `ννιφυλιςτιιμ ὲ`ϩρηι ὲγεραρα .
Genesis 26:2 ὰ`πϭοις δε ουονϩϥ ὲροϥ πεϫαϥ ναϥ ϫε `μπερϣε ὲ`ϧρηι ὲχημι ϣωπι ϧεν πικαϩι ὲϯναϫοϥ νακ .
Genesis 26:3 ουοϩ αριρεμ`νϫωιλι ϧεν παικαϩι ουοϩ ειὲϣωπι νεμακ ειὲ`ςμου ὲροκ ειὲϯ `μπαικαϩι τηρϥ νακ νεμ πεκ`ϫροϫ ουοϩ ειὲςεμνι `μπααναϣ ὲταιωρκ `μμοϥ `ναβρααμ πεκιωτ .
Genesis 26:4 ουοϩ ειὲ`θρε πεκ`ϫροϫ ὰϣαι `μ`φρηϯ `ννιςιου `ντε `τφε ουοϩ ειὲϯ `μπαικαϩι τηρϥ `μπεκ`ϫροϫ ουοϩ ευὲϭι`ςμου `ν`ϧρηι ϧεν πεκ`ϫροϫ `νϫε νι`ϣλωλ τηρου `ντε `πκαϩι .
Genesis 26:5 ὲ`φμα ϫε ὰ αβρααμ πεκιωτ ςωτεμ `νςα τα`ςμη ουοϩ αϥὰρεϩ ὲναϩων νεμ ναεντολη νεμ ναμεθμηι νεμ νανομος .
Genesis 26:6 αϥϣωπι δε `νϫε ιςαακ ϧεν γεραρα .
Genesis 26:7 αυϣενϥ δε `νϫε νιρωμι `ντε πιμα ὲτε`μμαυ εθβε ρεβεκκα τεϥ`ςϩιμι ουοϩ πεϫαϥ ϫε ταςωνι τε αϥερϩοϯ γαρ ὲϫος ϫε τα`ςϩιμι τε μηποτε `νςεϧοθβεϥ `νϫε νιρωμι `ντε πιμα ὲτε`μμαυ εθβε ρεβεκκα τεϥ`ςϩιμι ϫε ουηι γαρ ενεςως πε ϧεν πεςϩο.
Genesis 26:8 αϥϣωπι δε `μμαυ `νουνιϣϯ `νςηου αϥϫουϣτ δε `νϫε αβιμελεχ `πουρο `νγεραρων ὲβολ ϧεν πιϣουϣτ αϥναυ ὲιςαακ εϥςωβι νεμ ρεβεκκα τεϥ`ςϩιμι .
Genesis 26:9 αϥμουϯ δε `νϫε αβιμελεχ ὲιςαακ ουοϩ πεϫαϥ ναϥ ϫε αϣ τεκ`ςϩιμι τε εθβεου ακϫος ϫε ταςωνι τε πεϫε ιςαακ δε ναϥ ϫε αιϫος ϫε μηποτε `νταμου εθβητς .
Genesis 26:10 πεϫε αβιμελεχ ναϥ ϫε ου πε φαι ὲτακαιϥ ναν ὲνεκεκουϫι ὰ ουαι ὲβολ ϧεν παγενος `νκοτ νεμ τεκ`ςϩιμι ουοϩ νακναὶνι ὲ`ϩρηι ὲϫων `νουμὲτατεμι .
Genesis 26:11 αβιμελεχ δε αϥϩονϩεν ὲτοτϥ `μπεϥμηϣ τηρϥ εϥϫω `μμος ϫε ουον νιβεν εθναϭι νεμ παιρωμι ιε τεϥ`ςϩιμι εϥὲϣωπι εϥραουηουτ ὲ`φμου .
Genesis 26:12 ὰ ιςαακ δε ςιϯ ϧεν πικαϩι ὲτε`μμαυ ουοϩ αϥϫεμ ιωτ `ν10 `νκωβ ϧεν ϯρομπι ὲτε`μμαυ αϥ`ςμου δε ὲροϥ `νϫε `πϭοις .
Genesis 26:13 ουοϩ αϥϭιςι `νϫε πιρωμι ουοϩ ναϥμοϣι ὲαιαι πε ϣατεϥερνιϣϯ ὲμαϣω .
Genesis 26:14 αυϣωπι δε ναϥ `νϫε ϩαντεβνωουὶ `νὲςωου νεμ ϩαντεβνωουὶ `νὲϩωου νεμ ουμηϣ `νιεφουωι αυχοϩ δε ὲροϥ `νϫε νιφιλιςτιιμ.
Genesis 26:15 ουοϩ νιϣωϯ τηρου ὲταυϣοκου `νϫε νεϥὰλωουὶ ϧεν `πςηου `ντε πεϥιωτ αυϣορπου `νϫε νιφιλιςτιιμ ουοϩ αυμαϩου `νκαϩι .
Genesis 26:16 πεϫε αβιμελεχ `νιςαακ ϫε μαϣενακ ὲβολ ϩαρον ϫε ακϫεμνομϯ ὲϩοτερον ὲμαϣω .
Genesis 26:17 ουοϩ αϥϣεναϥ ὲβολ `μμαυ `νϫε ιςαακ αϥταςθο ϧεν πιϫον `ντε γεραρα ουοϩ αϥϣωπι `μμαυ.
Genesis 26:18 ουοϩ παλιν ὰ ιςαακ ϣοκ νιϣωϯ `ντε πιμωου νη ὲταυϣοκου `νϫε νιὰλωουὶ `ντε αβρααμ πεϥιωτ ουοϩ αυϣορου `νϫε νιφιλιςτιιμ μενενςα `θρεϥμου `νϫε αβρααμ πεϥιωτ ουοϩ αϥϯραν ὲρωου κατα νιραν ὲτα πεϥιωτ τηιτου ὲρωου .
Genesis 26:19 αυϣωκι δε `νϫε νιὰλωουὶ `ντε ιςαακ ϧεν πιϫον `ντε γεραρα ουοϩ αυϫιμι `μμαυ `νουϣωϯ ``μμωου εϥονϧ .
Genesis 26:20 ουοϩ αυϣοντ `νϫε νιμανὲςωου `ντε γεραρων νεμ νιμανὲςωου `ντε ιςαακ ευϫω `μμος ϫε φων πε πιμωου ουοϩ αϥϯρεν `φραν `νϯϣωϯ ϫε `νϭινϫονς αυϭιτϥ γαρ `νϫονς.
Genesis 26:21 αϥουωτεβ δε ὲβολ `μμαυ `νϫε ιςαακ αϥϣωκι `νκεϣωϯ αυϭιϩαπ δε εθβε ϯχεϯ ουοϩ αϥϯρεν πεςραν ϫε `θμετϫαϫι .
Genesis 26:22 αϥουωτεβ δε ὲβολ `μμαυ ουοϩ αϥϣεκ κεϣωϯ ουοϩ `μπουϣοντ εθβητς ουοϩ αϥϯρεν πεςραν ϫε φουωϣς εϥϫω `μμος ϫε ϯνου ὰ `πϭοις ουοςθεν ναν ουοϩ αϥ`θρεναιαι ϩιϫεν πικαϩι .
Genesis 26:23 αϥὶ δε ὲ`πϣωι ὲβολ `μμαυ ὲϫεν `τϣωϯ `μπααναϣ .
Genesis 26:24 ουοϩ ὰ `πϭοις ουονϩϥ ὲροϥ ϧεν πιὲϫωρϩ ὲτε`μμαυ ουοϩ πεϫαϥ ναϥ ϫε ὰνοκ πε `φνουϯ `ναβρααμ πεκιωτ `μπερερϩοϯ ϯχη γαρ νεμακ ουοϩ ειὲ`ςμου ὲροκ ουοϩ ϯνα`θρε πεκ`ϫροϫ ὰϣαι εθβε αβρααμ πεκιωτ .
Genesis 26:25 ουοϩ αϥκωτ `μμαυ `νουμα`νερϣωουϣι ουοϩ αϥτωβϩ `μ`φραν `μ`πϭοις ουοϩ αϥταϫρε τεϥ`ςκυνη `μμαυ αυϣωκ δε `μμαυ `νουϣωϯ `νϫε νιὰλωουὶ νιςαακ.
Genesis 26:26 ουοϩ ὰ αβιμελεχ ϣεναϥ ϩαροϥ ὲβολ ϧεν γεραρων νεμ οχοζαθ πεϥνυμφαγωγος νεμ πιχολ πιαρχη`ςτρατηγος `ντε τεϥϫομ .
Genesis 26:27 ουοϩ πεϫε ιςαακ νωου ϫε εθβεου ατετενι ϩαροι `νθωτεν δε ατετενμεςτωι ουοϩ ατετενουορπτ ὲβολ ϩαρωτεν .
Genesis 26:28 ουοϩ πεϫωου ϫε ϧεν ουναυ ανναυ ϫε ναρε `πϭοις χη νεμακ πε ουοϩ πεϫαν ϫε μαρεϥϣωπι ϩαρα ουτων νεμ ουτωκ ουοϩ ενὲςεμνι `νουδιαθηκη νεμακ .
Genesis 26:29 ὲ`ϣτεμ`θρεκ`ὶρι νεμαν `νουπετϩωου `μ`φρηϯ ὲτε `μπενορβεκ ὰνον νεμ πιρηϯ ὲτανερπεθνανεϥ νακ ουοϩ ανουορπκ ὲβολ ϧεν ουϩιρηνη ουοϩ ϯνου `κςμαματ `νθοκ `ντεν `πϭοις .
Genesis 26:30 ουοϩ αϥὶρι `νουϣοπς ὲρωου ουοϩ αυουωμ ουοϩ αυςω .
Genesis 26:31 ουοϩ αυτωουνου `ντοουὶ αϥωρκ `νϫε `φρωμι `μπεϥ`ϣφηρ ουοϩ αϥ`τφωου `νϫε ιςαακ ουοϩ αυϣενωου ὲβολ ϩαροϥ ϧεν ουουϫαι .
Genesis 26:32 αςϣωπι δε ϧεν πιὲϩοου ὲτε`μμαυ αυὶ `νϫε νιὰλωουὶ `ντε ιςαακ αυταμοϥ εθβε ϯϣωϯ ὲταυϣοκς ουοϩ πεϫωου ϫε `μπενϫεμ μωου `νϧητς.
Genesis 26:33 ουοϩ αϥϯρενς ϫε πααναϣ εθβεφαι αυϯρεν `φραν `νϯβακι ϫε `τϣωϯ `μπαναϣ ϣα ὲϧουν ὲφοου `νὲϩοου .
Genesis 26:34 ηςαυ δε ναϥχη ϧεν 4 `νρομπι πε ουοϩ αϥϭι `νου`ςϩιμι ιουδιν `τϣερι `μβεηρ πιΧεττεος νεμ βαςεμαθ `τϣερι `νελωμ πιευεος.
Genesis 26:35 ουοϩ ναυϭνην πε ουβε ιςαακ νεμ ρεβεκκα.